ﺩﯗﺋﺎﻳﻰ ﻣﯘﺧﻪﻣﻤﻪﺱ
ﺳﺎﯕﺎ ﮬﻪﻣﺪﯗ-ﺳﺎﻧﺎ ﺋﻰ ﺭﻩﺏ ،ﺳﺎﻧﺎﻗﺴﯩﺰ ﺗﺎ ﻳﻮﻗﺎﻟﺴﯘﻥ ﺳﺎﻥ.
ﺭﯗﻛﯘ-ﺳﻪﺟﺪﻩﯕﺪﻩ ﻛﯜﻥ -ﻳﯘﻟﺘﯘﺯ،ﺋﺎﯕﺎ ﺧﺎﺭ ﺟﺎﻳﻨﺎﻣﺎﺯ ﺋﺎﺳﻤﺎﻥ.
<<ﺋﺎﻳﺎ،ﭘﯩﻨﮭﺎﻧﻠﯩﻘﯩﯔ ﭘﻪﻳﺪﺍ ﯞﻩ ﻳﺎ ﭘﻪﻳﺪﺍﻟﯩﻘﯩﯔ ﭘﯩﻨﮭﺎﻥ>>-<1>
ﻣﺎﯕﺎﺭﮔﺎﮬﯩﻤﻨﻰ ﺳﯘﻧﻨﻪﺕ ﻗﯩﻞ،ﺑﺎﺭﺍﺭﮔﺎﮬﯩﻤﻨﻰ ﻧﯘﺭ- ﻗﯘﺭﺋﺎﻥ.
ﻧﯩﭽﯘﻙ ﺗﯚﻛﻤﻪﺱ ﺳﺎﯕﺎ ﺩﻩﺭﺩﯨﻦ ،ﺳﺎﯕﺎ ﻗﯘﻝ ﻣﻪﻥ ﻛﻪﺑﻰ ﺋﯩﻨﺴﺎﻥ.
ﺳﺎﻻﻣﯩﻢ ﺑﺎﺭ ،ﻛﯚﺯﯛﻡ ﻳﺎﺷﻠﯩﻖ ،ﺑﯜﻳﯜﻙ ﺋﻪﻟﭽﯩﯔ ﻣﯘﮬﻪﻣﻤﻪﺩﻛﻪ ،
ﺋﯘﺩﺍﻻﭖ ﺗﻮﻳﻤﯩﻐﺎﻥ ﺋﯜﭺ ﻛﯜﻥ ﺋﺎﺗﺎﭖ ﺑﺎﺭﯨﻨﻰ ﺋﯜﻣﻤﻪﺗﻜﻪ .
ﻗﻮﺭﺳﺎﻗﻘﺎ ﺗﺎﺵ ﺗﯧﯖﯩﭗ ﻣﺎﯕﻐﺎﻥ ﺗﻮﻣﯘﺯ ﺋﺎﭼﻠﯩﻘﺘﺎ ﮬﯩﻤﻤﻪﺗﻜﻪ.
ﻳﯧﺘﻪﺭ ﻧﻪ ﺳﯩﻠﻜﯩﺴﻪ ﺗﻮﻣﭙﺎﻱ ﻛﯜﻟﯜﭖ ﺑﺎﻗﻘﺎﻧﺪﯨﻜﻰ ﻗﯩﻤﻤﻪﺗﻜﻪ؟ <2>
ﻳﻮﻗﺎﺕ ﺑﯩﺰﺩﯨﻦ ﺗﻪﻣﻪﻧﻨﺎﻧﻰ ،ﺭﻩﺳﯘﻟﯘﯓ ﺧﯘﻟﻘﯩﺪﯗﺭ ﻗﯘﺭﺋﺎﻥ.
ﺭﻩﺳﯘﻝ ﻳﯧﻨﯩﺪﺍ ﺗﯚﺕ ﻳﺎﺭﻩﻥ ،ﺑﯩﺮﯨﺪﻩ ﺗﺎﻍ ﻛﻪﺑﻰ ﺋﯩﻤﺎﻥ.
ﺑﯩﺮﻯ ﻛﯩﺮﮔﻪﻧﺪﻩ ﮬﻪﺭ ﻳﻮﻟﻐﺎ ﺑﻪﺩﻩﺭ ﻗﺎﭼﻘﺎﻥ ﺋﯩﺪﻯ ﺷﻪﻳﺘﺎﻥ.
ﺑﯩﺮﯨﻨﯩﯔ ﻧﺎﻣﻰ- ﻗﻮﺷﻨﯘﺭﻟﯘﻕ،ﺷﯘ ﺯﺍﺗﺘﯘﺭ ﺟﻪﻣﻠﯩﮕﻪﻥ ﻗﯘﺭﺋﺎﻥ.
ﺑﯩﺮﻯ ﺭﻩﺳﯘﻟﻐﺎ ﺧﯩﺰﻣﻪﺗﻜﺎﺭ ،ﺭﻩﺳﯘﻟﻨﯩﯔ ﻗﯩﺰﯨﻐﺎ ﺟﺎﻧﺎﻥ:
ﺋﻪﻟﻰ- ﺗﯚﺗﯩﻨﭽﯩﺴﻰ،ﺑﺎﺷﺘﯩﻦ :ﺋﻪﺑﯘ ﺑﻪﻛﺮﻯ ،ﺋﯘﻣﻪﺭ ،ﺋﻮﺳﻤﺎﻥ.
ﺷﯘ ﺗﯚﺕ ﻳﺎﺭﻩﻧﮕﻪ ﺗﯚﺕ ﻳﺎﺭﻩﻥ ﭘﯜﺗﯜﻥ ﺋﯜﻣﻤﻪﺗﻜﻪ ﻣﻪﺷﺌﻪﻟﺪﯗﺭ،
ﻗﯘﺭﺋﺎﻥ ،ﺳﯘﻧﻨﻪﺕ ،ﻗﯩﻴﺎﺱ ،ﺋﯩﺠﻤﺎﺋ- ﺗﯚﺕ ﻧﯘﺭ ،ﻣﻪﺷﺌﻪﻟﮕﻪ ﺗﯚﺕ ﮬﻪﻟﺪﯗﺭ.<3>
ﻛﻰ ،ﻣﻪﺷﺌﻪﻟﻠﻪﺭﻧﻰ ﻗﺎﻏﺎﺭ ﻛﻮﺭ ﺷﻪﭘﻪﺭﻩﯕﻠﻪﺭﮔﻪ ﺩﻭﺳﺖ -ﺋﻪﻟﺪﯗﺭ.
ﺗﯚﺕ ﻣﻪﺷﺌﻪﻝ :ﺷﺎﻓﯩﺌﻰ،ﻣﺎﻟﯩﻚ ﯞﻩ ﺋﻪﮬﻤﻪﺩ ﺋﯩﺒﯩﻦ ﮬﻪﻧﺒﻪﻟﺪﯗﺭ،
ﺋﯘﻻﺭﻧﻰ ﭘﻪﺭﻟﯩﮕﻪﻥ ﺋﯘﺳﺘﺎﺯ -ﺋﯩﻤﺎﻡ ﺋﻪﺯﻩﻣﯩﻤﯩﺰ-ﻧﯘﺋﻤﺎﻥ.
.....................................................................................
.....................................................................................
ﺋﯩﻼﮬﺎ ،ﺑﯩﺮ ﺳﺎﯕﺎ ﻗﯘﻟﻤﻪﻥ ،ﻣﯧﻨﻰ ﺳﺎﺭﻏﺎﻳﺘﻤﺎ ﺋﺎﺩﻩﻣﮕﻪ ،
ﻗﻪﻟﯩﺐ ﺑﻪﺭ ﺋﯘﻧﺪﺍ ﺋﺎﻟﻪﻡ ﺑﺎﺭ ،ﻟﯧﻜﯩﻦ ﺧﺎﺭ ﻗﯩﻠﻤﺎ ﺋﺎﻟﻪﻣﮕﻪ.
ﺋﯩﺠﺎﺑﻪﺕ ﺋﻪﻳﻠﻪ ﺋﺎﺭﻣﺎﻧﯩﻢ ،ﻛﻰ ،ﺑﺎﻕ ﺭﻩﮬﻤﻪﺗﺘﻪ ﻧﺎﻟﻪﻣﮕﻪ.
ﻣﯘﮬﻪﻣﻤﻪﺩ ﺋﯘﻣﻤﯩﺘﯩﻤﻪﻥ، ﻣﻪﺭﺗﯩﺒﻪﻡ ﺑﯘ ،ﻧﻪ ﺋﻮﺭﯗﻥ ﻏﻪﻣﮕﻪ؟
ﺋﻪﺯﯨﺰ ﻗﯩﻞ ﺋﯩﻜﻜﻰ ﺋﺎﻟﻪﻣﺪﻩ ،ﺋﺎﺗﺎ ﻗﯩﻞ ﺟﻪﻧﻨﻪﺗﯘﻝ ﺭﯨﺰﯞﺍﻥ.
2007-4-21
_______________________
ﺋﯩﺰﺍﮬﻼﺭ
1-<<ﺋﯘ ﺋﺎﻟﻼﮬ ﺋﺎﺷﻜﺎﺭﺍ ﺩﯗﺭ ﯞﻩ ﻳﻮﺷﯘﺭﯗﻧﺪﯗﺭ >> ﻣﻪﻧﯩﺴﯩﺪﯨﻜﻰ ﺋﺎﻳﻪﺗﻜﻪ ﻣﻪﻧﯩﺪﺍﺵ.
ﻣﻪﺯﻛﯘﺭ ﻣﯩﺴﺮﺍ ﻣﻪﺯﻣﯘﻧﻪﻥ ﺋﻪﻟﺸﯩﺮ ﻧﻪﯞﺍﺋﯩﻨﯩﯔ.
2-ﺳﻪﮬﯩﮭ ﮬﻪﺩﯨﺴﻠﻪﺭﺩﻩ ﺯﯨﻜﺮ ﻗﯩﻠﯩﻨﻐﺎﻥ ﺷﯘ ﻣﻪﻧﯩﺪﯨﻜﻰ ﯞﻩﻗﻪﻟﯩﻜﻠﻪﺭ ﻛﯚﺯﺩﻩ ﺗﯘﺗﯘﻟﯩﺪﯗ.
3-ﺋﯩﺴﻼﻡ ﺷﻪﺭﯨﺌﯩﺘﯩﻨﯩﯔ ﺋﻪﯓ ﭼﻮﯓ ﺗﯚﺕ ﻣﻪﻧﺒﻪﺳﻰ ﻳﯘﻗﺎﺭﻗﯩﻼﺭﺩﯨﻦ ﺋﯩﺒﺎﺭﻩﺕ.
4-ﻣﻪﺯﻛﯘﺭ ﺋﻪﺳﻪﺭ ﻗﯩﺴﻘﺎﺭﺗﯩﭗ ﺑﯧﺮﯨﻠﺪﻯ.
|
